Fene hoxe

Inicio   Fene hoxe
10-01-2019

Laura Bouza inaugura este venres na Casa da Cultura a mostra “Des_amparo”

A Casa da Cultura de Fene inaugura exposición este venres, 11 de xaneiro. A artista Laura Bouza trae ó municipio a súa mostra “Des_amparo”, que poderá visitarse durante todo o mes. Ata o día 30, de luns a venres de 10 a 13 e de 16 a 21 horas, namentras que os sábados, de 10 a 13 horas. O acto de inauguración, con entrada libre, celebrarase mañá venres, ás 20 horas, e contará coa asistencia da creadora, ademais do alcalde, Gumersindo Galego, e da concelleira de Cultura, Rocío Bértoa.
08-01-2019

O Concello inicia o reparto do calendario municipal en comercio e hostalería

O concelleiro de Promoción Turística, Juan José Franco, informou esta mañá de que o Concello vén de editar o calendario municipal para o 2019, do que se distribuirán ata 5.000 copias de xeito completamente gratuíto. Reparto que xa se iniciou estes días a través da Asociación O Cruceiro. Así, veciños e visitantes poderán recoller a publicación en comercio e hostalería locais. Ademais, Juan José Franco avanzou que a partir desta semana tamén estará dispoñible na casa consistorial e no departamento municipal de Promoción Turística.
13-11-2018

A vieira con cebiche do D3, gañadora do certame Fene, Un Mar de Tapas Público e xurado profesional coincidiron na súa elección

Tantos os clientes como o xurado profesional integrado por expertos en gastronomía, bloggers e restauradores coincidiron á hora da súa valoración da carta de pinchos presentados ó certame Fene, Un Mar de Tapas que, durante o pasado mes, promoveu o Concello xunto á Confraría e a Asociación de Comercio e Hostalería O Cruceiro, co respaldo do GALP Golfo Ártabro Norte. Así, uns e outros elixiron a vieira con cebiche presentada por D3 como o mellor pincho. No caso do xurado profesional concedía outros dous premios, quedando en segunda posición os Bicos galegos do Gastrobar Bicos e o Chipirón en salsa da Cafetería Bombay. Todos eles recibían esta tarde o seu galardón nun acto celebrado no salón de plenos da casa consistorial. Un acto que contou coa participación do concelleiro de Promoción Turística, Juan José Franco; a xerente do GALP Golfo Ártabro Norte, Antonia Fernández; o presidente da asociación O Cruceiro, Xoán Manuel Ramos Reigosa, e o coordinador da iniciativa, Manel Pan, así como de representantes da hostalería local. Así mesmo, no transcurso do mesmo, celebrábase o sorteo dunha noite no complexo turístico de moda en Galicia, as Cabañitas do Bosque. Rubén Plaza resultaba agraciado entre os máis de 60 clientes que completaron a ruta por todos e cada un dos locais do certame.
08-11-2018

O ciclo de monólogos continúa este venres co actor Marcos Pereiro e a súa experiencia sobre "Como ser armario empotrado"

O ciclo de monólogos "Novembro, Mes do Humor" que promove a Concellería de Cultura que dirixe Rocío Bértoa continúa este venres, 9 de novembro, da man do actor Marcos Pereiro e as súas claves sobre "Como ser armario empotrado". Terá lugar no Museo do Humor de Fene, con entrada de balde pero con necesaria retirada de convite –dúas por persoa-, o mesmo venres a partir das 18,30 horas na conserxería da Casa da Cultura. A función dará comezo ás 21 horas, trala inauguración da exposición "Pinto&Chinto. 25 anos” prevista para ese mesmo día ás 20 horas.
07-11-2018

O Concello de Fene inaugura este venres a exposición Pinto&Chinto. 25 anos

"Pinto&Chinto. 25 anos" é o título claro e conciso da nova exposición que este venres, 9 de novembro, inaugura o Concello de Fene na Casa da Cultura sobre a obra de dous dos maiores referentes do humor gráfico galego. Unha mostra orixinal e sorprendente que constrúe un percorrido sobre a producción gráfica periodística de Pinto e Chinto.
24-10-2018

O Museo do Humor acollerá este venres a entrega dos Premios Curuxa 2018 e o monólogo de José Luis Gutiérrez "Guti"

Fernando Iglesias Mouta, “Kohell” (1º premio na categoría Curuxa), Manuel Arriaga de León (2º premio na categoría Curuxa), Ana Martínez Fernández (1º premio na categoría Curuxa Nova) e Cristian Fojón Caruncho (2º premio na categoría Curuxa Nova) recibirán este venres, 26 de outubro, os galardóns que os acreditan como gañadores dos Premios Curuxa 2018. Será nun acto no Museo do Humor que arrancará ás 19 horas, presidido polo alcalde, Gumersindo Galego, coa recepción ós gañadores e finalistas do certame. Así mesmo, e con entrada libre, ás 20 horas procederase á entrega dos premios ós nomeados gañadores e dos diplomas ós/ás finalistas do certame: Beatriz Rodríguez, Helena Fernández, Antía González, Antón Agra, Miguel Bouzas, Alejandro Viñuela e Marta Picallo.
24-10-2018

IV FESTA DO SAMAÍN INFANTIL

O domingo 28 de outubro as 17:30h terá lugar no noso local social a festa infantil do samaín amenizada por La Guagua.
Os adultos non socios terán que aboar 3€.
18-10-2018

Nova oportunidade esta fin de semana para saborear un mar de tapas en Fene

A partir deste venres e ata o vindeiro domingo, veciños e veciñas teñen unha nova oportunidade para disfrutar dun mar de tapas en Fene da man dos trece establecementos hostaleiros que participan no certame gastronómico promovido pola Concellería de Promoción Turística e a Asociación de Comercio, Hostalería e Servizos O Cruceiro. En horario de 13 a 15 e de 20,30 a 22,30 horas venres e sábado e de mediodía o domingo, como mínimo, Arrecendo, Asociación Veciñal de Magalofes, Café Bar A Ponte, Café Pachamamá, Cafetería Bombay, Cafetería Lembranza, Cafetería Xala, Cervexería Friends, D3, Gastrobar Bicos, Jesy Bar, O Son da Cociña e O Lar de Kike ofrecerán auténticas delicatessem ó prezo único de 1,5 euros.
11-10-2018

Fene convertirase a partir deste venres nun auténtico Mar de Tapas

Experimentar. Esa foi a máxima que guiou ós cociñeiros e cociñeiras dos trece establecementos hostaleiros de Fene que, a partir deste venres, ofrecerán as súas máis innovadoras creacións culinarias no marco do certame Fene, un Mar de Tapas. O evento foi presentado esta mañá en rolda de prensa polo alcalde, Gumersindo Galego; o concelleiro de Promoción Turística, Juan José Franco; o presidente da Asociación de Comercio, Hostalería e Servizos O Cruceiro, Juan Ramos Reigosa, e o coordinador do certame, Manel Pan. Xunto a eles, unha nutrida representación dos establecementos participantes no concurso, que se inclúe no programa Fene Vivo Ven a Fene.
11-10-2018

Cita co Felicia POP Festival este venres e sábado en Limodre

Mañá venres arranca o Felicia POP Festival na pista polideportiva de Limodre, baixo carpa e con entrada de balde. Organizada pola entidade Felicia AC coa colaboración do Concello de Fene, chegará este ano á súa XX edición. E, para celebralo, contará cun cartel de auténtico luxo. A partir das 21 horas, comezará o festival e os primeiros en subirse ó escenario serán Jamie Fifthring & The Coffee Beakers. Tras eles, Bang 74 e Aula 11. O festival continuará ó remate na antiga escola indiana, con sesión DJ a cargo de Nico Estrume DJ e Kung Fu Panda DJ.
 
12 3 4 5 6 7 >>