Benvida

Saúdo do alcalde

Juventino José Trigo Rey.
Alcalde de Fene

Dende o goberno local que presido quero darlle a benvida a este web que nos permitirá dar a coñecer ao mundo o Concello de Fene e ao tempo ser unha ferramenta útil para a veciñanza e as persoas visitantes.

Internet é unha fiestra aberta ao mundo que se converteu en poucos anos nun xeito imprescindible de comunicarnos e informarnos; unha canle pola que podemos amosar a nosa lingua, arte, xeografía, historia; o noso patrimonio cultural, natural e paisaxístico, as nosas parroquias. Temos a obriga de proxectar Fene ao mundo con todas as súas potencialidades.

A web do concello debe ser unha ferramenta para a comunicación: os veciños e veciñas poden estar informados da actualidade municipal, así como un espazo que permita a realización cada vez de máis xestións en liña así como presentar suxestións. Avanzar na e-administración e na transparencia son obxectivos desta web que redundará en beneficio a todos e todas. Quen se achegue a esta páxina buscando información sobre Fene, descubrirá un avance do que pode atopar en Fene.

O camiño da modernidade e do progreso que todos emprendemos non debe ter volta atrás e debemos lembrar que o camiño temos que facelo entre todos e todas, e que só a convivencia en harmonía nos pode conducir cara a un futuro mellor.

Boa viaxe.